Formalisert samarbeid mellom Kartverket og Norsk Polarinstitutt skal framme meirverdi av kunnskaps- og kartproduksjonen til etatane.
Direktør Ole Arve Misund frå Norsk Polarinstitutt og kartverkssjef Johnny Welle signerar samarbeidsavtalen. Foto: Elin Vinje Jenssen / Norsk Polarinstitutt
Kartverket og Norsk Polarinstitutt er begge statlege forvaltingsorgan som er underlagt høvesvis Kommunal- og distriktsdepartementet og Klima- og miljødepartementet.
Institusjonane har samarbeidd i ei årrekkje, men først no formaliserar dei dette. Målet er at ein samarbeidsavtale skal bidra til at oppgåver blir løyste på ein mest mogleg effektiv måte.
I avtalen blir det lagd til rette for utveksling av metodar, instrument og data. Heilt sentralt står fagleg prosjektsamarbeid med rådgiving, dataforvaltning, forsking, logistikk og formidling innanfor kompetanse- og ansvarsområda til etatane.
Partnarane skal òg danna eit samarbeidsutval. Som ei forlenging av samarbeidet skal det lagast underavtalar om utvalde delar av etatsverksemda, f. eks.:
- Samarbeid i tilknyting til forskings- og kartleggingsprosjekt i dei norske polarområda
- Samarbeid med omsyn til logistikk og bruk av instrument og utstyr
- Samarbeid og arbeidsdeling vedrørande rådgivingsfunksjonen
Direktør for Kartvekets geodesidivisjon, Per Erik Opseth (t.v.), forskingsdirektør Nalân Koç (Norsk Polarinstitutt), Misund, Welle, fylkeskartsjef Steinar Vaadal (Kartverket) og seksjonsleiar for kart, Yngve Melvær (Norsk Polarinstitutt), deltok på markeringa då samarbeidsavtalen blei underteikna. Foto: Elin Vinje Jenssen / Norsk Polarinstitutt
Om institusjonane
Kartverket:
- Leverar landsdekkande geografisk informasjon og tenester for private og offentlege brukarar
- Bistår departementet med fagleg kunnskap innanfor kart og geodata.
- Hovudmålet: Sørga for at «Effektiv tilgang til oppdatert kart og eigedomsinformasjon skal gi grunnlag for verdiskaping og utvikling».
- Nasjonal geodata- koordinator som inneber samordning av den nasjonale geografiske infrastrukturen gjennom Noreg digitalt-samarbeidet.
- Kartverket er òg kart-, tinglysing-, stadnamn-, sentral matrikkel- og sjøkartmynde og ansvarleg for det nasjonale geodetiske stadsfestingsgrunnlaget.
Norsk Polarinstitutt:
- Verksemd i polarområda.
- Den sentrale statsinstitusjonen for kartlegging, miljøovervaking og forvaltningsrettet forsking i Arktis og Antarktis.
- Noregs hovudprodusent av topografiske og geologiske kart som dekker Svalbards landområde, Jan Mayen, Antarktis og Bouvetøya.
- Polarinstituttet driv forskingsbasar, gjennomfører ekspedisjonar og er eigar av forskingsfartøyet «Kronprins Haakon».
